社企苗開幕典禮

20 12 月

大家好，我哋社企苗 (Social Seed) 已經喺2018年11月19日正式成立!

我哋嘅宗旨同埋目標已經獲得中大校友基金會嘅認同，我哋而家已經成為咗佢哋嘅合作夥伴喇！

而社企苗亦都好需要得到公眾嘅認識同埋認同！社企苗目標喺建立一個一站式社企服務平台，以[集資]、[集人]及[集智] 為三大核心服務。

[集資] 社會企業眾籌平台：

眾籌及網上商店，促進社企持續發展

公眾可以喺到支持唔同嘅社企，亦可以購買佢哋嘅產品！

[集人] 義工配對平台：

為認證社企上載義工招募項目，大家喺呢到參加義工服務一定安心又放心！

[集智] 社會企業知識庫：

我哋會整合所有獲得認證嘅社企，等大家了解香港究竟有啲乜嘢社企，而嗰間社企又係做啲咩㗎呢？

除此之外，我哋亦都會為社企對接企業教練及融資顧問，提升社企嘅商業知識！

其實我哋並唔係一個單單嘅社企綜合平台。我哋係要建立一個雙向互動嘅社企平台：提升大眾對社企嘅認知度；提升社企自給自足嘅能力，改變以捐款為主導嘅社企生存模式！希望大家繼續緊貼留意我哋嘅消息！